दश बर्ष पछिको त्यो जमघट
 |
| नुवाकोट दरवार जाँदै |
फेसबुकका कारणले एक वर्ष अघि स्कूल पढ्ने १० जना साथीहरु सम्पर्कमा आइयो । एक दशक पछि स्कूले साथीहरुसँग भेट भयो तर यो भेटलाई यादगार बनाउने उदेश्य स्वरुप कर्तै घुम्न जाने कार्यक्रम तय भयो । फेसबुकबाटै मोवाइल साटासाट भयो । च्याटमा कुराकानी भयो । अनि त्रिशुली गन्तब्य बनाएर । एक रात उतै विताउने गरि यात्रा तय गरियो ।
 |
| नुवाकोट दरवारको बाटोमा फोटो खिचाउँदै |
बालाजु बाइपासबाट दिउसो ३ बजेतिर हामी १० जना साथीहरु त्रिशुलीयात्राका लागि तयार भयौं । ५ वटा मोटरसाइकल तयार थिए ।
भदौ महिना थियो तर पनि यात्रा शुरु हुनु अगाडी देखि नै झरीले हामीलाई रुझाउन थाल्यो । निथुक्क भिजेर वेलुका करिव सुढे सात बजे तिर हामीहरु त्रिशुलीको बट्टार बजार पुग्यौ ।
साथी सुमन बोगटीले त्याहाँको दरवार होटलमा कोठा बुक गराएका थिए । हामी दरवार हाईस्कूलका पूर्व विद्यार्थी अनि बस्ने होटल पनि दरवार अनि घुम्न जाने ठाउँ पनि नुवाकोट दरवार । तीनवटा दरवारका यी कुरा हाम्रोलागि संजोग नै थियो । यात्रा भरी नै यो कुराले सबै साथीहरुलाई निकै रमाइलो अनुभूति दिइरहयो । तर यति हुदाँ हुँदै पनि हामीहरु मध्ये कोहि पनि दरवारीया भने थिएनौ । यो कुरा भन्दै हामीहरु बेला बेला रमाइलो गरिरहन्थ्यौं ।
 |
| दरबार होटल अगाडी |
लगातार चार घण्टासम्म झरीमा मोटरसाइकलको यात्रा गर्दा हामी मध्ये कोहि पनि सुख्खा बाकि थिएनौ । याहाँसम्म कि हामीले लगाएका भित्रि कपडा समेत भिजेका थिए । मोवाइल र पस्रलाई भने प्लाष्टिकमा बेरेर सुरक्षा गरेका थियौं । बेलुका दरवार होटलमा पुगियो । तर सबै जना भिजेका थियौ त्यसैले बजरमा तत्कालिन अत्यावश्यक कपडाहरु किनियो ।
नाम जस्तै दरवार होटल रमाइलो र व्यवस्थित रहेछ । त्याहाँको खाना र बस्ने रुमको त साथीहरु अहिले पनि चार्चा गरिरहन्छन् । मध्यरात सम्म रमाइलो गरियो । एक दशकको अवधिमा साथीहरुले गरेका प्रगतिका कुराहरु साटासाट गरियो । विवेकको गित पनि यादगार थियो ।
 |
| नुवाकोट दरबारमा हाम्रो टिम |
भोलिपल्ट विहानै नुवाकोट दरवार गइयो । बाटा बाटामा फोटो पनि खिचियो । डाडाको चुचुरामा रहेको नुवाकोट दरवार घुमियो । अनि बट्टार बजार झरेर खाना खाइयो । केहि समय बजार घुमियो र काठमाण्डौका लागि फिर्ति भइयो ।
बालाजु बाइपासमा आएर चिया खाइयो र यो जमघटको छोटो समिक्षा गरियो । थकान र रुझाइका बाबजुद लामो समयपछि साथीहरुको यो जमघट निकै उपलब्धि मुलक रहयो सबैको निष्कर्ष यहि थियो । त्यसैले यस्तो जमघटलाई कम्तिमा पनि बर्षदिनमा एक पटक आयोजना गर्ने निर्णय गरियो ।
(२०६७ सालको पहिलो जमघट)
As the title says ten guys after ten years, it was the memorable moment and I haven't imagined that we'll meet again in such a wonderful and a surprising way. Thanks alot to facebook bcoz it helped us to be in touch with eachother and made the tour successful. Thanks to all the friends who gave their valuable time to make it a successful tour.Let's promise that we'll keep on organizing such kind of programme once a year which can refresh us.
ReplyDeleteIt's really nice and memorable journey mani, Let's promise to make such programme once in every year.
ReplyDelete