हल्लै हल्लाको देश

• भूपि शेरचन

स्टक एक्सचेन्जका शेयरजस्तै 

आत्मा क्रय-बिक्रय गर्न सक्नेहरु 

जहाँ नेता हुन्छन् 

र जहाँ निधारभरि कर्कटपाताजस्तै 

चाउरी परिसकेकाहरु 

तन्नेरीहरुका अगुवा हुन्छन् 

यो हल्लै हल्लाको देश हो

कानमा इयरफोन लगाउनु पर्ने बहिराहरु

जहाँ संगीत प्रतियोगिताका जज हुन्छन्

र जहाँ आत्मामा पत्थर परेकाहरु

काव्यका निर्णायक मानिन्छन्,

काठका खुट्टाहरु जहाँ रेसमा बिजेता हुन्छन् 

र जहाँ प्लाष्टर गरिएका हातहरुमा 

सुरक्षाको सङ्गीन थमाइन्छ, 

जहाँ बाटो र अट्टालिकाहरुका ढोकाअगाडि

डोकोका डोको, र खर्पनका खर्पन, 

ट्रकका ट्रक आत्माका मण्डी सजाइन्छ,