"मलाई प्रेम बानियाँ अमेरिका गएकोमा हैन रामचन्द्र पौडेलका छोरा रोजगारीका लागि विदेशिएको कुराले बढि चकित बनाएको छ । "
केहि वर्ष देखि नेपाली टेलिभिजन च्यानलमा एउटा सम्भावना बोकेको युवाको आगमन भयो । परम्परागत भन्दा भिन्न प्रस्तुति शैलिका कारण उ छोटो समयमै सबैका अगाडी चिनिन पुग्यो । तर विडम्बना त्यो सम्भावना बोकेको टेलिभिजनकर्मीलाई देशको अस्थिर राजनीतिले र यहाँको अस्तव्यस्त अवस्थाले विदेश पलायन हुन बाध्य बनायो । मैले यहाँ कुरा गरेको पत्रकार प्रेम बानियाको हो । उनीसँग मेरो सामान्य चिनजान हो । उनी मेरा घनिष्ठ मित्र होइनन तर एउटा मिडियाकर्मीकै नाताले उनी प्रति सामाजिक सञ्जालमा आएका नकरात्मक र खोक्रो राष्ट्रवादीहरुका उत्तेजक अभिव्यक्तिले मलाई केहि कुरा लेख्न मन लाग्यो । यो मेरो व्यक्तिगत धारणा हो तपाईलाई मन पर्नु पर्छ भन्ने छैन ।
