भोको पेटमा लात हान्छस् ...?

"म पनि यी तीन वटै दलको भातृसंगठनको सदस्य छैन । र दलको भातृसंगठनको सदस्यता पनि लिन्न । म पनि यी तीनवटा मध्येकै एक राजनीतिक विचार धारामा आस्था राख्छु । तर म पत्रकारीता गर्दा पार्टीको सदस्य बन्दिन भन्न मैले पाउने कि नपाउने ? ती पार्टीको सदस्यता लिइन भने मेरो पत्रकार महासंघको सदस्यताको अव कुनै अर्थ छैन ?"

नेपाल पत्रकार महासंघको २३ औं अधिवेशनमा भाग लिन जिल्ला जिल्लाका साथीहरु काठमाण्डौ भेला हुन थालेका छन् । त्यसैले महासंघको केन्द्रिय कार्यालय साचारग्राममा चुनावी सरगर्मि निकै बढेको छ । तर केहि जिल्ला शाखाका अधिवेशनमा देखिएका तिक्तताले अधिवेशनलाई विवादको घेरामा तानेको छ । त्यसैको एउटा दुखद घटना आज महासंघको कार्यालयमा देखियो । 

पत्रकार महासंघको अधिवेशनमा राजनीतिक भागबण्डा गरेको भन्दै प्रारम्भ देखिनै कास्किका असन्तुष्ट पत्रकारहरु आन्दोलनमा उत्रिएका थिए । तिनै साथीहरु आज विहान देखि महासंघ कार्यालयमा तालाबन्दि गरेर आमरण अनसनमा बसे । दिउँसो करिव ३ बजे महासंघको कार्यालयमा भएको तालाबन्दि खोल्न महासंघका अध्यक्ष धर्मेन्द्र झा सहितका केहि साथीहरु अगाडी बढे । दुबै तर्फबाट नारा जुलुस शुरु भयो । असन्तुष्ट साथीहरुलाई बार्तामा बस्न महासंघको ताला खोल्न अध्यक्ष झाले आग्रह गरे । विवाद बढ्दै थियो । ठेलमठेल शुरु भयो । 

यत्तिकैमा कास्किका असन्तुष्ठ पत्रकारहरु माथि केहि पत्रकारहरु आक्रमणमा उत्रिए । ठूला माछाले साना माछालाई दपेटे जसरी पोखरेली पत्रकारहरु घोक्राइयो उनीहरुको व्यानर च्यातियो विहान देखि आमरण अनसनमा एक जना साथीको त पेटमा लात्ति बजारियो ।

नाम चलेकै एक पत्रकारले त महिला पत्रकारको गर्दन समात्दै हातपात गरे । केहि समयमै पत्रकार महासंघ महासंग्राममा परिणत भयो । कलमलाई सबै भन्दा बलियो हतियार भनेर गर्व गर्ने पत्रकार महासंघको केन्द्रिय कार्यालयमा पत्रकारहरुलाई तसा्रउन हतियारधारी प्रहरी तैनाथ गरिए । नारा जुलुस चलिरहयो । यहि वेला कुटाइ खाने मध्येकै एक जना पत्रकार साथी भन्दै थिए-भोको पेटमा लात हान्छस्…हामी त आमरण अनसनमा उत्रिएका छौ सक्छस भने मार । 

नेपाल पत्रकार महसंघका यस अघिका महाधिवेशनमा पनि सामान्य भना भन त सुनिन्थ्यो । तर यसपटक चै अलि बढि नै भयो । यो सबै कुराको मुल जड थियो पत्रकार महासंघमा विद्यमान राजनीतिक सिण्डिकेट । हुन पनि महासंघमा अहिले जिल्ला देखि केन्द्रसम्म राजनीतिले नराम्ररी जरो गाडेको छ । महासंघको उम्मेरदवार राजनीतिक दलले चयन गर्ने शाखाका कार्यसमिति देखि सभासद् सबै पदमा दलहरुको भागबण्डा लाग्ने । यस्तै यस्तै कुराहरु छन् जसले पत्रकार महासंघको स्वतन्त्र अस्तित्व विस्तारै गुम्दै गएको महसुस हुन थालेको छ । 

आजकै घटनाको जड हेरौ न । कास्कि शाखामा तीनै पार्टी काग्रेस एमाले र माओवादी मिलेर शाखाको अधिवेशन सम्पन्न भएको समाचार आएको थियो । त्यसैले यी असन्तुष्ट पत्रकारहरुलाई कसैले उचालेको हुनु पर्छ भन्ने धेरैलाई लागेको छ । तर के यी तीन दल बाहेक पत्रकारको स्वतन्त्र अस्तित्व छदै छैन त ? म पनि यी तीन वटै दलको भातृसंगठनको सदस्य छैन । र दलको भातृसंगठनको सदस्यता पनि लिन्न । म पनि यी तीनवटा मध्येकै एक राजनीतिक विचार धारामा आस्था राख्छु । तर म पत्रकारीता गर्दा पार्टीको सदस्य बन्दिन भन्न मैले पाउने कि नपाउने ती पार्टीको सदस्यता लिइन भने मेरो पत्रकार महासंघको सदस्यताको अव कुनै अर्थ छैन त्यसो भए किन यसलाई पेशाकर्मीको स्वतन्त्र संगठन भनेर भाषण गर्ने यहि संकिर्ण सोचाइले गर्दा नै अहिले महासंघको ब्यवसायिक अनि पेशागत मर्यादा माथि नै प्रश्न चिन्ह खडा भएको छ । जुन सम्पूर्ण पत्रकारहरुका लागि लाजमर्दा कुरा हो । तर पनि विषयमा याहाँ कस्ले बहस चलाउने । सानाले यस्ता कुरा उठाए आज पोखरेली पत्रकारकै नियति दोहिरन्छ । कथित ठूला र अग्रजलाई यस्ता कुराको के परवाह । 

आज नेपाल पत्रकार महासंघको परिसरमा जुन घटना भयो त्यो महासंघको इतिहासमै कालो दाग पनि हो । प्रेस तथा अभिव्यक्ति स्वतन्त्रताको कुरा गरेर कहिल्यै नथाक्ने तीनै पत्रकारहरु आज पत्रकार साथीहरुकै अभिव्यक्ति स्वतन्त्रताको घाँटि निमोठ्न उदत्त देखिए । यो भन्दा ठूलो विडम्वना अरु के होला । 

पत्रकार पनि मान्छे हो त्यसैले उसमा पनि राजनीतक चेतना हुन्छ र हुनु पर्छ पनि । व्यक्तिगत रुपमा उसले कुनै राजनीतिक विचार प्रति आस्था पनि राख्न पाउँछ । तर व्यवसायीक रुपमा पत्रकारीता गर्छु भन्नेले राजनीतिक दलको झण्डा बोकेर चुनाव उठ्न सुहाँछ आउनुस नेपाल पत्रकार महासंघमा विद्यमान राजनीतिक सिण्डिकेटको अन्त्यका लागि बहस गरौ ।