नेपाल प्रहरी समय समयमा उपभोक्तालाई नयाँ नयाँ नारा सहित आफना सेवा र उत्पादन बेच्ने व्यवसायिक संगठन जस्तो हुन हुदैन । त्यसैले कहिले मुस्कान सहितको सेवा त कहिले प्रहरी मेरो साथी भनेर प्रचार प्रसार गर्नु पर्ने आवश्यकता छैन ।
नेपाल प्रहरी राज्यको एउटा प्रमुख सुरक्षा अंग हो । यहाँ हजारौ जवान र तल्लो तहका अधिकृतहरु छन् जो प्राकृतिक प्रकोपका वेला होस वा आन्दोलनका बेला होस अग्रमोर्चामा रहेर आफनो कर्तव्य निर्वाह गरिरहेका हुन्छन । तीनै प्रहरी जवानहरु आफूभन्दा माथिल्लो तहका अधिकारीहरुबाट यसरी अन्यायमा पर्दा उनीहरुको आफनो संगठन प्रतिको धारणा र उत्साह कस्तो होला ? अनि उनीहरुले कसरी निडर भएर आफनो कर्तव्य निर्वाह गर्न सक्लान ? यो प्रश्न एउटा आम नागरिकका तर्फबाट नेपाल प्रहरीका उपल्लो तहमा रहेकाहरुलाई ।
सुरक्षा निकायका पदाधिकारीहरुका मापसे गरेर गाडी चलाउन पाइने र आफूभन्दा तल्लो दर्जाका कर्मचारीलाई मनलाग्दी गर्न पाइने कानुन भएजस्तो मलाई लाग्दैन । मैले पढेको कानुनका आधारमा सबै नेपाली नागरिकहरु बराबर हुन । कानुनले जात, तह र शक्तिका आधारमा भेदभाव गर्न पाउँदैन । यो मूलुकमा बसेपछि यहाँको कानुनको उलंग्घन गर्ने अधिकार सुरक्षा निकायका हाकिमसावहरुलाई पनि हुँदैन । त्यसैले मापसे गरेर सवारी चलाउने व्यक्तिलाई कारवाही गर्दा आफनै संगठनका जवानलाई ६/७ घण्टा थुन्ने हाकिम साव तपाईले कुन कानुनको आधारमा यसो गर्नु भयो ? एउटा आम नागरिकको तर्फबाट यो जिज्ञासा ।
र अन्तमा,
मेरो विचारमा नेपाल प्रहरी समय समयमा उपभोक्तालाई नयाँ नयाँ नारा सहित आफना सेवा र उत्पादन बेच्ने व्यवसायिक संगठन जस्तो हुन हुदैन । त्यसैले कहिले मुस्कान सहितको सेवा त कहिले प्रहरी मेरो साथी भनेर प्रचार प्रसार गर्नु पर्ने आवश्यकता छैन । यस्ता नाराबाट सस्तो प्रचार त भेटिएला तर आफनै संगठन भित्रका यस्ता विभेदलाई हटाउन सक्यो भने प्रहरी आम नागरिकहरुको सबैभन्दा नजिकको साथी हुनेमा शंका छैन ।
No comments:
Post a Comment