सबैले समाचार मार्फत दिएको सूचना त्यहि थियो । तर त्यो समाचारका लागि दिइएको शिर्षक भने निकै फरक थिए । कुनै निकै सनसनीपूर्ण लाग्ने, कुनै सफ्ट, कुनै छेउटुप्पै नमिलेका जस्ता लाग्ने ।मेरो २ वर्षको भान्जो छ । उसले भनेको मानेन, खानेकुरा खाएन वा उसको ध्यान म तिर तान्नु प¥यो भने म उसलाई हाउगुजीको डर देखाउँछु । त्यस पछि उसले मैले भने अनुसार गर्छ । हाउगुजीले उसको ध्यान तान्न सकेकोमा म आफूलाई निकै खुसि हुन्छु, र मख्ख पर्छु । तर त्यो बालमनसपटलमा मेरो बुद्धिले भन्दा हाउगुजीको डरले काम गरेको छ भन्ने कुरा म विर्सन्छु । सायद यो मानविय स्वभाव हो । म र मेरो भान्जो वीचको यो हाउगुजी व्यवहार अहिले अधिका्रश नेपाली संचार माध्याममा पनि प्रयोगमा छ । हाउगुजीको हतियार प्रयोग गरेर संचार माध्याम पाठकको ध्यान आफूतिर तान्न तछाड मछाड गरेर लागिपरेका छन् । यसमा खासगरी अनलाईन संचार माध्याम सबैभन्दा अगाडी छन् । स्रचार माध्यामले सामान्य समाचारलाई पनि सनसनिपूर्ण समाचारको रुपमा प्रस्तुत गर्छन । अनि पाठकहरु यस्ता समाचार पढ्न आर्कषित नहुने त कुरै भएन । यहाँ यस्तै एउटा समाचारलाई हेरौ न
२०७१ साल असार १५ गते आइतवार पृथ्वी लोकमार्ग अन्तर्गत नौविसे नागढुंगा सडक खण्डको पिलमोडमा ट्रिपर घर भित्र छिर्दा घर भित्र सुतिरहेका दम्पती बलराम बोहोरा र मैयाँ बोहोराको मृत्यु भएको समाचार आयो । संचार माध्यामले उक्त समाचारलाई आ आफ्नै तरिकाले प्रस्तुत गरे । विभिन्न अनलाइन संचार माध्यामले समेत त्यो समाचार सार्वजनिक गरे । सबैले समाचार मार्फत दिएको सूचना त्यहि थियो । तर त्यो समाचारका लागि दिइएको शिर्षक भने निकै फरक थिए । कुनै निकै सनसनीपूर्ण लाग्ने, कुनै सफ्ट, कुनै छेउटुप्पै नमिलेका जस्ता लाग्ने ।
पत्रकारितामा Bad
News is Good News भन्छन तर सवारी दूर्घटनाको समाचारलाई यति धेरै सनसनीपूर्ण शिर्षक दिनु पर्ने आवश्यकता चै मैले देख्दिन । नजानेर वा नआएर त पक्कै होइन होला, सायद पाठकलाई समाचार प्रति आर्कषित गर्न यस्ता शिर्षक राखिएको होला । तर आहिलेका पाठकहरु निकै सचेत छन् । त्यसैले समाचार प्रति आर्कषित गर्न यतिसम्म नगर्दा पनि हुन्छ जस्तो लाग्छ, ।
हेर्नुस कस्ले कस्तो शिर्षकमा यो समाचार दिए
- ईकान्तिपुर
घरभित्रै छिरेको टिपरले किच्दा दुईको मृत्यु
- अन्नपूर्ण पोष्ट
ट्रिपरले ओभरटेक गर्दा घरभित्र सुतेका श्रीमान् श्रीमतीको मृत्यु
- नागरिकन्यूज डट कम
ओभरटेक गर्दा दूर्घटना, दुईको मृत्यु
- दैनिक नेपाल अनलाईन
कालले घरभित्रैबाट टिपेर लगो
- अनलाईन खबर डट कम
ट्रिपरको ठक्करबाट दुईजनाको मृत्यु
- सेतोपाटी
ट्रिपरको ठक्करबाट घर भित्र सुतिरहेका २ जनाको मृत्यु
No comments:
Post a Comment