"अँनामनगर" अर्थात नामै नभएको नगर

औलामा गन्न सकिने घर खेतको फाँट र बाँजो जमिन थोर बहुत विकासका पूर्वाधार अँनामनगरलाई चिनाउने यस्तै कुरा मात्रै थिए । तर करिव २ दशकको अवधिमा यो ठाउँ राजधानी काठमाण्डुका उच्च जनघनत्व भएका ठाउँहरुको पंक्तिमा उभिएको छ । यो ठाउँसँग मेरो करिव १८ वर्ष अघिको चिनजान हो । 

अनामनगर

मैले मेरा बालशखासँग बुर्कुसी मारेका चौरहरुको अस्तित्व सकिएको छ । साइकलबाट लडेका ती कान्लाहरु डोजर लगाएर समथर मैदानमा परिणत भएका छन् । जहाँ अहिले लाखौ मूल्यका भव्य महल ठडिएका छन् । 

बि सं २०४९ सालमा अध्ययनका सिलसिलामा स परिवार काठमाण्डौ आइयो ।  अँनामनगरका फाँटमा जाहाँ अहिले अग्ला अग्ला घर ठडिएका छन् ती ठाउँमा बाल्यवस्थामा मैले थुपै्र खेलहरु खेलेको छु । साइकल सिक्दा दाइहरुले कान्लाबाट झारेका अनुभव ताजै छन। 
अँनामनगर पारि पट्टिको थापा गाउँमा बसाई थियो । काठमाण्डौमा आफनो घर थिएन । भाडामा बस्दा कहिले के नमिल्ने कहिले के अनि बसाइ सरिरहनु पर्ने बाध्यता । करिव एक वर्षको बसाई पछि थापा गाउँ छाडियो । त्यसपिछ मध्य बानेश्वर नयाँ बानेश्वर संखमुल मिनभवन थुप्रै ठाउँमा अस्थायी बसाई सरियो । यो करिव करिव विरालोले बच्चा सारे जस्तै अवस्था थियो । थापागाउँबाट बसाई सरेपछि  अँनामनगरसँग मेरो खासै निकटता भएन । कहिले काहि यहि आसपास भएर हिडडुल गरियो तैपनि त्यतिधेरै नजिक भइएन । अध्ययनको क्रममा साथीहरुसँगको जमघटको सिलसिलामा विगत एक महिना देखि फेरी म अँनामनगरसँग नजिकिएको छु ।

जसले ती पुराना यादहरु फेरी एक पटक यो मष्तिष्कमा पुर्नजीवित गरिदिएको छ । तर अहिले अँनामनगर त्यो पुरानो अवस्थामा छैन । उ बेला औलामा गन्न सकिने घर थिए । दाहालको दैलो अर्थात यज्ञनिधी दाहालको घर भएको ठाउँबाट हामी बस्ने थापा गाउँको घर स्पष्ट देखिन्थ्यो । तर अहिले त्यो अवस्था छैन ।  अँनामनगर देशभरका मान्छेहरुको अस्थायी र स्थायी आवास क्षेत्र बनेको छ ।

कंकि्रटमय बनेको अनामनगर

मैले मेरा बालशखासँग बुर्कुसी मारेका चौरहरुको अस्तित्व सकिएको छ । साइकलबाट लडेका ती कान्लाहरु डोजर लगाएर समथर मैदानमा परिणत भएका छन् । जहाँ अहिले लाखौ मूल्यका भव्य महल ठडिएका छन् ।
भनिन्छ नि समय परिवर्तनशिल छ अनि यसले परिवर्तनका लहरहरु छाडेर जान्छ । सुनामीले झै आएको समयको त्यो लहरले  अँनामनगर पनि परिवर्तन गरि छाड्यो । अहिले यो उ बेलाको  अँनामनगर रहेन । याहुको सिङ्गो नक्सा फेरियो । बाटाघाटा फेरिए । अन्य पूर्वाधार थपिए । अनि याहाँ बस्ने मान्छे अदलबदल भैरहे समग्रमा याहाँका सबै कुरा फेरिए । तर पनि यसको पहिचान अहिले पनि फेरिएको छैन । त्यो हो यसको नाम अर्थात " अँनामनगर" नामै नभएको नगर ।

(यस ब्लगमा प्रकाशित कुनै पनि रचना साभार गरेर लिन सकिने छ)